Acto público en Lalín sobre o decretazo contra o galego este 9 de setembro

O acto informativo leva por título: "Dar aulas en galego: compromiso ou desobediencia?"

O xuíz Luís Villares e a profesora Alba Nogueira, presentan o traballo de autoría colectiva Estudos xurídicos sobre o decreto do plurilingüismo

A Plataforma Queremos Galego do Deza e o recentemente creado colectivo "Profes co galego" organizan para esta quinta feira (xoves) 9 de setembro un acto informativo para analizar a problemática que supón a aplicación do mal chamado "decreto do plurilingüismo" no ensino non universitario e os seus visos de ilegalidade.

No acto abordaranse as obxeccións legais formuladas contra a validez xurídica do decretazo e as posíbeis alternativas fronte á prohibición expresa de impartir en galego determinadas materias do ámbito científico-técnico ou empregar materiais didácticos na nosa lingua propia.