Għall-mistoqsija jekk iħossux kburi li ġej mill-Belt hu wieġeb li jħossu kburi ħafna. Qalilhom li hu ġej minn familja ta’ nies li jħobbu l-kultura Maltija. Issibhom jipparteċipaw b’mod assolut fil-Karnival Malti kif ukoll fl-attivitajiet tal-Ġimgħa l-Kbira. Spjega wkoll li l-vjolin għandu ħames kordi li qabel kienu jkunu magħmulin mill-imsaren tal-qtates iżda llum huma magħmula mill-aluminjum jew mill-azzar. L-istikka hi magħmula mid-denb taż-żiemel. Wasal il-ħin għat-tieni silta mużikali li kienet Zorba the Greek. Qabel ma esegwixxa din is-silta s-Sur Curmi qalilhom li hu jieħu gost meta l-udjenza tipparteċipa. Qalilhom li t-tieni silta kienet se tkun waħda mexxejja u li xtaqhom jipparteċipaw biċ-ċapċip u żgur li ma ħariġx iddiżappuntat għax l-istudenti pparteċipaw bil-kif.