Fimmtudaginn 18. október klukkan 20 verður efnt til umræðna í Listasafni Reykjavíkur um menningararf og hönnun, en á síðustu áratugum hafa vísanir til menningararfs Íslendinga orðið æ sýnilegri í hönnun hérlendis. Um leið hefur orðræðan um menningararf sótt í sig veðrið opinberlega og ekki virðast allir sammála um hvar draga skuli línuna á milli ómetanlegra þjóðargersema og þess sem ómerkilegra þykir í okkar menningarsögu né hvernig okkur beri að meðhöndla og umgangast þessar sömu gersemar. Skemmst er að minnast fréttaflutnings um íslensku lopapeysuna og hugmyndir stjórnmálamanna um hvar hyggilegast væri að framleiða lopapeysuna án þess að þjóðleg gildi hennar og séríslensk einkenni glötuðust í framleiðsluferlinu.

Reglulega koma upp mál í fjölmiðlum um íslenska hönnun, gildi hennar og skilyrði þess að hún geti kallast íslensk. Umræðan snýst þá gjarnan um íslenskan menningararf og birtingamynd hans í íslenskri hönnun. Á málþinginu verður einnig rætt um hönnunarvernd og hönnunarstuld á vörum byggðum á íslenskum menningararfi. Málþingið er hluti af fyrirlestraröð Hönnunarmiðstöðvar Íslands, Listasafns Reykjavíkur og Listaháskóla Íslands.

Í pallborði verða fræðingar og hönnuðir af sviði þjóðfræði, lögfræði, viðskiptafræði, vöru- og fatahönnunar. Þeir munu allir halda stutt erindi (5-7mín) áður en efnt verður til umræðna með þátttöku áheyrenda úr sal.

Erindin verða í eftirfarandi röð:
1. Egill Viðarsson, þjóðfræðingur og tónlistarmaður - Um menningararf og höfundarrétt.

2. Halla Helgadóttir framkvæmdarstjóri Hönnunarmiðstöðvar Íslands - Birtingamynd menningararfsins í íslenskri hönnun og fortíðin sem söluvara. Halla mun tala almennt út frá málum sem hafa verið að koma upp hjá hönnuðum undanfarið.

3. Sunneva Hafsteinsdóttir, framkvæmdarstjóri Handverks og Hönnunar - Sérstaða íslensk handverks og handverksfólks, handverk vs. hönnun.

4. Lovísa Jónsdóttir, lögfræðingur hjá Tego hugverkaráðgjöf - Um tilvísanir, höfundarétt og hönnunarvernd út frá lögfræðilegu sjónarmiði.

5. Bergþóra Guðnadóttir, hönnuður og annar af stofnendum Farmers Market - Um framleiðslu og rekstur fyrirtækis sem selur íslenska hönnun, sem m.a. hefur tilvísun í íslenskan menningararf og er að hluta til úr íslensku hráefni.

Stjórnandi málþingsins er Ólöf Gerður Sigfúsdóttir mannfræðingur og forstöðukonu rannsóknarþjónustu við Listaháskóla Íslands.

j vimeo.com/52498112

Loading more stuff…

Hmm…it looks like things are taking a while to load. Try again?

Loading videos…