me la'e lu ro roi za'u re'u ji'a li'u bau la lojban
fi'o fanva je sanga je te skina la guskant
fi'o se fanva la'o py いつも何度でも py noi joi gi pemci fi la kakun.uakakon. gi zgike la kimuran.iumin.
.i lo zgike tadji zo'u gau mi simsa .a'i lo zgike be la'o ry Nataliya Gudziy ry
lo jufra noi se sanga cu di'e i tu'e:
voksa_1:
ni'o doi zei bacru bu'u da
tedi'o lo menli
.i roroi cinmo dansu pe'a
senva co gleki .au
.i ge dunku du'emei sei
va'i ba'onai kancu
gi ku'i ju'o penmi .ui do
lo zu'i bancu
.i go nu rapli srera
gi lo'e prenu co'a
sanji lo ni blanu fa lo
blanu po'o tsani
.i ge ve'e je vi'i je ru'i
dargu za'a gi ku'i
le re vi xance
ka'e te jgari lo gusni
ni'o cagi co'o zei co'e
gi smaji menli
.i lo xadni noi co'a nova'e
cu tirna jundi
.i nu ca'o jmive kei je
.u'e nu co'a morsi kei
.i lo xrula lo brife lo tcadu
ro da zo'u go'i
.i lo'u lan lan la lan lalalala
lan lan la lan lalalala
lan lan lala lan la lala
lan lalalala lan
.o'o'o'o'o'o'o'o'o'o
lun lun lu lu'u'u'u'u'u
lulululu lun lululu lun
lu le'u
ni'o doi zei bacru bu'u da
tedi'o lo menli
.i roroi za'ure'u ji'a
senva co pacna .ai
.i ge dunku xokaumei sei
.ainai mo'u kancu
gi sepi'o lo di'u ctebi
cu milxe sanga .ai
.i go pu'o zei ganlo se morji
gi ne'i la'e di'u
milxe bacru za'a sei
.ainai tolmo'i
.i ge ba'o zei porpi je minra
gi bu'u la'e di'u
lo cnino jvinu za'a ji'a
cu ve minra
ni'o ca'o cfari cerni ke
smaji canko
.i lo xadni noi ca'o nova'e
ku ko'oi culno ba
.i lo'i xamsi bancu ku banai
.ai te sisku
ki'u lo nu lo carmi
roroi ku bu'u ti
va'i ne'i mi ju'a
se zvafa'i pu'i ku .uo
.i lo'u lan lan la lan lalalala
lan lan la lan lalalala
lan lan lala lan la lala
lan lalalala lan
.o'o'o'o'o'o'o'o'o'o
lun lun lu lu'u'u'u'u'u
lulululu lun lululu lun
lu le'u
voksa_2: .u'e ro'e .ia pe'i
voksa_3: .ua
tu'u
fa'o
原曲情報：
覚 和歌子 作詞、木村 弓 作曲
第一次発行年： 2001
作詞・作曲・編曲以外の著作権者： 徳間書店
