Vidas Invisibles - Tráiler

O sistema de protección de menores é a forma coa que unha sociedade asegura o crecemento biolóxico e emocional dos nenos e nenas.

Esa protección ven asegurada polos pais e nais. Pero, quen se fai cargo deste menor cando estas figuras faltan?

Cando entendemos que desta protección depende que unha persoa teña un bo desenvolvemento na infancia, e que lle deixará unha pegada se algo falla, entendemos á vez a importancia de que a sociedade ao completo se implique nela.

Na actualidade, son as autonomías as que teñen as competencias sobre a protección do menor. Utilizando o caso galego como exemplo, explicamos o funcionamento do sistema. tanto a parte social, como a institucional, e analizamos a súa situación a través da voz de moitas das persoas implicadas nel; ben como profesionais, ben como expertos, ben como protagonistas do sistema de protección de menores.