(Illa Bufarda, MaOs Innovación Social e Feitoría Verde, 2015) Recolle o proceso etnográfico e audiovisual de Patrimonio Habitado, un proxecto realizado na Reserva da Biosfera Transfronteiriza Gerês-Xurés de recollida do patrimonio inmaterial vivo. Percorre os seis concellos da RBTGX (Bande, Calvos de Randín, Entrimo, Lobeira, Lobios e Muíños) na procura de relatos en primeira persoa sobre formas de vida, oficios e festexos, e atopa elementos patrimoniais que, xunto coas serras, ríos e monumentos, definen e outorgan identidade a este territorio.
