atha caturdaśōdhyāyaḥ - guṇatrayavibhāga yōgaḥ

śrībhagavān uvāca

paraṃ bhūyaḥ pravakṣyāmi jñānānāṃ jñānam uttamam
yaj jñātvā munayaḥ sarvē parāṃ siddhim itō gatāḥ 14.1

idaṃ jñānam upāśritya mama sādharmyam āgatāḥ
sargēpi nōpajāyantē pralayē na vyathanti ca 14.2

mama yōnir mahad brahma tasmin garbhaṃ dadhāmy aham
saṃbhavaḥ sarvabhūtānāṃ tatō bhavati bhārata 14.3

sarvayōniṣu kauntēya mūrtayaḥ saṃbhavanti yāḥ
tāsāṃ brahma mahad yōnir ahaṃ bījapradaḥ pitā 14.4

sattvaṃ rajas tama iti guṇāḥ prakṛtisambhavāḥ
nibadhnanti mahābāhō dēhē dēhinam avyayam 14.5

tatra sattvaṃ nirmalatvāt prakāśakam anāmayam
sukhasaṅgēna badhnāti jñānasaṅgēna cānagha 14.6

rajō rāgātmakaṃ viddhi tṛṣṇāsaṅgasamudbhavam
tan nibadhnāti kauntēya karmasaṅgēna dēhinam 14.7

tamas tv ajñānajaṃ viddhi mōhanaṃ sarvadēhinām
pramādālasyanidrābhis tan nibadhnāti bhārata 14.8

sattvaṃ sukhē saṃjayati rajaḥ karmaṇi bhārata
jñānam āvṛtya tu tamaḥ pramādē saṃjayaty uta 14.9

rajas tamaś cābhibhūya sattvaṃ bhavati bhārata
rajaḥ sattvaṃ tamaś caiva tamaḥ sattvaṃ rajas tathā 14.10

sarvadvārēṣu dēhēsmin prakāśa upajāyatē
jñānaṃ yadā tadā vidyād vivṛddhaṃ sattvam ity uta 14.11

lōbhaḥ pravṛttir ārambhaḥ karmaṇām aśamaḥ spṛhā
rajasy ētāni jāyantē vivṛddhē bharatarṣabha 14.12

aprakāśōpravṛttiś ca pramādō mōha ēva ca
tamasy ētāni jāyantē vivṛddhē kurunandana 14.13

yadā sattvē pravṛddhē tu pralayaṃ yāti dēhabhṛt
tadōttamavidāṃ lōkān amalān pratipadyatē 14.14

rajasi pralayaṃ gatvā karmasaṅgiṣu jāyatē
tathā pralīnas tamasi mūḍhayōniṣu jāyatē 14.15

karmaṇaḥ sukṛtasyāhuḥ sāttvikaṃ nirmalaṃ phalam
rajasas tu phalaṃ duḥkham ajñānaṃ tamasaḥ phalam
14.16

sattvāt saṃjāyatē jñānaṃ rajasō lōbha ēva ca
pramādamōhau tamasō bhavatōjñānam ēva ca 14.17

ūrdhvaṃ gacchanti sattvasthā madhyē tiṣṭhanti
rājasāḥ
jaghanyaguṇavṛttisthā adhō gacchhanti tāmasāḥ 14.18

nānyaṃ guṇēbhyaḥ kartāraṃ yadā draṣṭānupaśyati
guṇēbhyaś ca paraṃ vētti madbhāvaṃ sōdhigacchhati
14.19

guṇān ētān atītya trīn dēhī dēhasamudbhavān
janmamṛtyujarāduḥkhair vimuktōmṛtam aśnutē 14.20

arjuna uvāca

kair liṅgais trīn guṇān ētān atītō bhavati prabhō
kimācāraḥ kathaṃ caitāṃs trīn guṇān ativartatē 14.21

śrībhagavān uvāca

prakāśaṃ ca pravṛttiṃ ca mōham ēva ca pāṇḍava
ta dvēṣṭi saṃpravṛttāni na nivṛttāni kāṅkṣati 14.22

udāsīnavad āsīnō guṇair yō na vicālyatē
guṇā vartanta ity ēva yōvatiṣṭhati nēṅgatē 14.23

samaduḥkhasukhaḥ svasthaḥ samalōṣṭāśmakāñcanaḥ
tulyapriyāpriyō dhīras tulyanindātmasaṃstutiḥ 14.24

mānāpamānayōs tulyas tulyō mitrāripakṣayōḥ
sarvārambhaparityāgī guṇātītaḥ sa ucyatē 14.25

māṃ ca yōvyabhicārēṇa bhaktiyōgēna sēvatē
sa guṇān samatītyaitān brahmabhūyāya kalpatē 14.26

brahmaṇō hi pratiṣṭhāham amṛtasyāvyayasya ca
śāśvatasya ca dharmasya sukhasyaikāntikasya ca 14.27
iti śrīmadbhagavadgītāsūpaniṣatsu brahmavidyāyāṁ yōgaśāstrē śrīkr̥ṣṇārjunasaṁvādē guṇatrayavibhāgayōgōnāma caturdaśōdhyāyaḥ

Loading more stuff…

Hmm…it looks like things are taking a while to load. Try again?

Loading videos…