AFECTOS - Video Promo

A compañía Kirenia Danza presenta Afectos, a terceira entrega da súa triloxía coreográfica Os vulnerables. Esta tríade de producións enfócase no impacto da pandemia da COVID-19 nas persoas migrantes e na súa rede de afectos. A compañía demostrou o seu compromiso con este tema ao longo de dúas producións previas: E-migrantas en 2020 e Primeiro a vida! no 2021, que abordaron a necesidade dun cambio no modelo actual de xestión das crises sociais. Nos últimos anos, a pandemia puxo de manifesto a importancia de protexer os dereitos fundamentais das persoas migrantes e desprazadas, sexa por motivos económicos, crises climáticas, persecucións por motivos políticos, étnicos ou de tendencia sexual, conflitos ou outras causas. Moitas persoas, incluídas as artistas de danza, víronse afectadas durante a crise da COVID-19 e precisaron axuda. A obra Afectos sitúanos ante unha reflexión alegórica do patrimonio humano da migración, como son o Camiño de Santiago en Galicia, o Kumano Kodo en Xapón, os corredores humanitarios de Ucraína, ou as novas rutas de emigración centroamericana. Afectos é unha homenaxe á complexidade das emocións humanas e unha invitación a conectarse co noso propio ser emocional. Un convite ás audiencias a reflexionar sobre a importancia da solidariedade en tempos difíciles.

Autoría/Coreografía: Kirenia Martínez Acosta

Dirección: Kirenia Martínez Acosta

En escena: Estefanía Gómez, Leodán Rodríguez, Cristian “Bal” Castro e Kirenia Martínez

Poesía: Antón Reixa, Demián Ravilero, Uxío Novoneyra

Asistencia en textos: Keina Espiñeira por cortesía de ESOMI (UDC)

Asistencia en dramaturxia: Alejandra Aguirre

Vestiario: Jandro Villa

Servizo técnico: Equipo Creativo RTA

Deseño de luces: Diego Vilar

Espazo sonoro: Bruno Baw e Sumrrá

Deseño gráfico: Niko Alvarellos

Fotografía: Kirenia Danza

Produción: Uxío Novo por cortesía da Fundación Uxío Novoneyra, Paulo F.M. e Serea Films

Coprodución: Centro Coreográfico Galego, Agadic, Xunta de Galicia

Distribución: Kirenia Danza e Serea Films

Video: Paulo Fernández