Heimsins jól 23.12

Heimsins jól - fjöltyngt jóladagatal 2023

Samtökin Móðurmál kynna til leiks skemmtilegt jóladagatal! Á hverjum degi í desember verður hægt að opna fyrir jólakveðju á einu af þeim 7000 tungumálum sem töluð eru í heiminum.

Í skólastarfi verður hægt að nota jóladagatalið sem hluta af vitundarvakningu um tungumál og þá auðlind sem felst í því að geta talað fleiri en eitt eða tvö tungumál.

Jóladagatalið verður að finna á vef og samfélagsmiðlum undir “Móðurmál - samtök um tvítyngi” allan desember. Það er öllum opið að dreifa því og nota í því samhengi sem gæti átt við.

Kennarar eru hvattir til að hefja alla skóladaga í desember með því að opna “glugga” að heiminum, bera saman tungumálin, skoða hvar þau eru töluð o.s.frv. Hægt verður að láta börn og ungmenni skreyta veggi skólans með jólakveðjum á mismunandi móðurmálum.

Jóladagatalinu fylgja leiðbeiningar og hugmyndir um notkun þess í kennslustofunni.

Tilgangurinn er m.a að vekja athygli á því að fjölbreytni og fjöltyngi eru mikið ríkidæmi en sú áhersla tengist bæði Heimsmarkmiðum Sameinuðu þjóðanna og Barnasáttmálanum.

Sjá nánar: modurmal.com/heimsins-jol-fjoltyngt-joladagatal-2023/

Jóladagatalið er á vegum Samtakanna Móðurmáls og birtist í samstarfi við:

Íslensku UNESCO nefndina

Vigdísarstofnun

Reykjavíkurborg

Miðju máls og læsis

Hólabrekkuskóla

Fellaskóla