1. قصيدة في الشأن السوداني .. وهو يعاني الزمن الردي
    كلمات الاستاذ : هاشم صديق

    انا الشاعر .. اجيب ليك الشعر من وين
    قطع هديمك يا وليد مقدود
    وصابحنا الفقر و الجوع
    و صبح جلد البطن مشدود
    وشن بِنسو .. و خيِّك من شهر مرفود
    قالوا صالح عام .. عشان قال العوج في العود
    حمد يا رب .. اخير من قول .. هديك البقلة في الابرك
    كان ودوهو بيت اشباح .. وكان دقاهو زول هلفوت

    هديمك يا وليد مقدود
    وصابحنا الفقر و الجوع .. صبح باب التُكل مسدود
    كمل حتى الملح في البيت
    و شن هم الملح في البيت .. وكت ملح الدموع موجود
    دحين يا وليد ما قالوا ناس انجاز
    و شن سوولنا من جونا .. غير حرقوا الفضل بالجاز
    وكل شيء صعب في السوق .. من الكبريت للطايوق
    وءكان جانا البخت تموين .. رطيل سكر و صابونتين
    نجيب من وين .. و اخوك مرفود .. وعدمان الشهر ملين
    امس زازيت اكوس الدين .. مشيت لسمية بت مأمون
    لقيت جابولها تلفزيون .. سمح و كبير
    تشوف الصورة بكم لون .. وكت في نشرة الاخبار
    ظهر ملك البلد يضحك .. جضومه كبار
    ومذموم الكرش بزار
    لا مهموم ولا زعلان .. وشيه يراري بالالوان
    وقّد في حشاي طباق نار .. طريت رفد الوليد و الجوع
    و انسال دمع الغبينه الحار
    اريتك يا ملك .. فد يوم يخلي الجوع عينيك ما تنوم
    اريتك يا ملك .. فد يوم تحس بغصة المظلوم

    دحين يا وليد .. ديل مالهم و مال الدين
    وكت قولهم كلام الله .. و فعالهم ما فعال صالحين
    كتير فيهم عديل حقار .. و بالقرآن كمان تجار .. وكضبابين
    اكان بنزين عِدم او جاز
    يقولو لك .. دي ارادة الله
    اكان صعب الرخيص و الغالي في التموين
    يقولو لك ده غضب الله
    اكان الموية صبحت طين
    يقولو لك ده من امريكا والعملاء
    حمونا الشب اولاد الكلب .. عشان الشعب تب يحرن
    و يقبّل .. من صراط الدين
    و ديل مالهم و مال الدين

    اكان كنزوا الدهب و المال
    بلايينهم تسوي جبال
    و عرباتهم تخطف العين
    و بنيانهم قصور في قصور

    وحات الله .. و كتاب الله
    كان ادونا طوب فد سور
    كان سوينا الف اويضه لمسكين

    # vimeo.com/98880509 Uploaded 926 Plays 2 Comments
  2. Dr. John Garang, one of the best Sudanese Nation Leaders

    # vimeo.com/98227460 Uploaded 183 Plays 1 Comment

khalid

khalid

Browse This Channel

Shout Box

Heads up: the shoutbox will be retiring soon. It’s tired of working, and can’t wait to relax. You can still send a message to the channel owner, though!

Channels are a simple, beautiful way to showcase and watch videos. Browse more Channels.